.png)
هيكون مطلوب منك الآتي:
🔲 تصاريح العمل(PTW)....
أهم حاجه قبل بدء أي أعمال هي تصاريح العمل،
ولازم تكون عارف كل انواعها، وتكون عارف كل الإجراءات والاحتياطات اللازم توافرها في التصريح.
🔲 محاضرة قبل بدء العمل (TBT)....
دي محاضرة بتتعمل قبل بدء اي شغلانه بيتم فيها شرح طبيعة الأعمال والمخاطر المحتملة وطرق الوقاية منها.
🔲 الممرات الآمنه....
لازم توفر عندك في مكان العمل ممرات آمنه للأفراد وممرات آمنه للمعدات منفصلين عن بعض، وتكون خاليه من أي عقبات تعيق الحركة...
🔲 مناطق الإطفاء (Fire points)....
توفير عدد من مناطق الإطفاء وتوزيعها بشكل مناسب علي المكان بالكامل.
🔲 مناطق التدخين (Smoking areas)....
لازم توفر مناطق تدخين في مكان العمل وتكون مطابقة للمواصفات.
🔲 نقطة التجمع (Assembly point)....
لازم تحدد نقطة للتجمع في حالات الطوارئ تكون في مكان قريب وأمن من مكان العمل وطريق الوصل ليها أمن وخالي من أي عقبات.
🔲 مياة الشرب ودورات المياة....
توفير مياة صالحة للشرب ودورات مياة تتناسب مع عدد الأفراد.
🔲 اللوحات الإرشادية (Signs)....
بتقوم بتوزيع اللوحات الإرشادية عندك في مكان العمل.
🔲 شرايط التحذير (Caution tape)....
بتلف شرايط التحذير علي حمايات الحفر والحواف والمناهيل.... الخ.
🔲 محاضرات التوعية الأسبوعية....
بتعمل محاضرات للأفراد بشكل أسبوعي بتناقش فيها المخاطر اللي عندك وطرق الوقاية منها ونشر الوعي وهكذا...
🔲 الدرلات (Drills)....
ودي سنريوهات تمثلية للحادث بنعملها كل فترة في الموقع لرفع كفاءة الأفراد في الإخلاء ومقاومة الحرائق والاسعافات الأولية في حالات الطوارئ.
🔲 الفحص (Inspection)....
لازم تتابع أعمال الفحص (اليومي، الاسبوعي، الشهري) علي المعدات، والآلات، والحمايات، والسقالات، ولوحات الكهرباء.... إلخ.
🔲 حواجز الحماية (Barricades)....
بتطلب من التنفيذ عمل حواجز حماية علي الحفر وحواف المباني والمناهيل... إلخ. ولف شريط تحذير عليها بشكل زجزاجي أو تعمل عليها كرفتات....
🔲 ترتيب مكان العمل (Housekeeping)....
ترتيب وتنظيم مكان العمل وترتيب العدة وعمل مشاون خاصه بيها وردم كابلات الكهرباء أو تعليقها وتوزيع براميل مخلفات وإزالة البقايا الخرسانية.... إلخ.
🔲 مهمات الوقاية الشخصية (PPE)....
توفير مهمات الوقاية الشخصية المناسبة لطبيعة الأعمال (سواء كانت أعمال لحام، عمل علي ارتفاع، أماكن مغلقة، أعمال عزل.... إلخ) والتشديد علي الإلتزام بها.
🔲 تأمين الأعمال....
بتقوم بتأمين الأعمال اليومية عندك في الموقع ومتابعتها بشكل مستمر وإيقاف الأعمال الغير أمنه وتقديم حلول آمنه لمباشرة العمل.
ليست هناك تعليقات:
إرسال تعليق